N 57 դպրոցը հիմնադրվել 1947թ.:  

      Տարբեր  տարիների  դպրոցը  ղեկավարել են.

      1974-1993թթ.՝  Օնիկ  Վաթյանը

      1993- 2014թթ.՝  Սուսաննա  Խաչատրյանը

      2014թվականից  առ այսօր՝  Նարիա  Տողանյանը

     1973-1974 ուստարում դպրոցը  տեղափոխվել է Ագաթանգեղոսի      7ա  հասցեում գտնվող նորակառույց տիպային շենք  և  գործել  այդ  վայրում  մինչև  2018թ: 

    1995 թվականին դպրոցն անվանակոչվել է Վահան Թոթովենցի անունով: 

     2013 թվականի հունվարից դպրոցը դարձել  է  Խ.  Աբովյանի  անվան  ՀՊՄՀ-ի ստորաբաժանում:

     2018թ.-ից դպրոցը  տեղափոխվել  է  Սիմոն  Վրացյան 75 հասցեում  գտնվող  մասնաշենք:

    2021-2022 ուստարում   դպրոցում  սովորում  է 1-9-րդ  դասարանների   500 աշակերտ:

    Աշխատակազմը (45 աշխատող)  ջանք ու  եռանդ  չի  խնայում  կրթության  բարձր որակ  ապահովելու  և  սովորողների  համար  կրթական  բարենպաստ  միջավայր  ստեղծելու  ուղղությամբ: 

   Դպրոցում  հաջողությամբ  գործում  է  երկարօրյա  երեք խումբ,  առարկայական   և սպորտային  խմբակներ՝   անգլերեն,  պատանի բնագետ, կերպարվեստ, երգ, պար, թաեքվանդո, ասմունք: 

    Դպրոցի  երգչախումբը, որը ստեղծվել է 2014թվականին,    արդեն հասցրել է  մասնակցել 3 համահայկական   փառատոնի, մի շարք  կարևոր  հոբելյանական  ցերեկույթների և  միջոցառումների:

    Դպրոցի  կարգախոսն է՝

 Մենք  հավատում ենք  մեր  սովորողների  ուժերին,  հնարավորություններին,  արժանիքներին,  օժտվածությանն  ու  բացառիկությանը: