Հանգիստը   որպես   խրախուսանք

 

                                                                                   Հնգօրյա հանգիստը Աղավնաձորում                                                                                     կազմակերպել էր Մանկավարժական                                                                                     համալսարանը` որպես  խրախուսանք                                                                                   լավագույն ընթերցողներին:                    

                                                                                Ես մեր  դպրոցի <<Լավագույն                                                                                                   ընթերցող>>  ճանաչված  աշակերտն                                                                                       եմ  և  նույնպես  հնարավորություն                                                                                           ստացա  մասնակցելու  այդ                                                                                                       միջոցառմանը:

                                                                                  Մեր  հնգօրյա հանգիստը անցավ շատ                                                                                 հետաքրքիր: Այդ
հինգ  օրերն անցան       շատ հագեցած  ու  հետաքրքիր: Եղան շաշկիի, շախմատի, նարդիի, սեղանի թենիսի մրցումներ, պարի մրցույթ և այլն: Ես  մասնակցել եմ շաշկիի մրցույթին:

     Հետաքրքիր  էր  նաև  պարի  ուսուցումը:  Ես  ինձ  համար  հայտնաբերեցի   հայկական <<Կարին>> պարատեսակը  և  դրան պատկանող պարերը, որոնցից են՝ <<Խոշ բիլազիգ>>, <<Մաժուն>>, <<Թրթրուկ>>, <<Փափուռի>>,  <<Ծաղկաձորի>>  և այլն: Եղել են նաև զբոսանքներ  բնության գրկում: Լավագույն ընթերցողներս կազմակերպեցինք նաև պոեզիայի երեկոներ, որոնց ընթացքում կարդացինք  Վ.Տերյան,Պ.Սևակ, Հ. Սահյան  և  այլն: Մասնակցեցինք  նաև ինտելեկտուալ խաղերի:

    Հանգստի  ընթացքում   հանդիպում  ունեցանք  ՀՊՄՀ-ի  ռեկտոր պարոն Ռ.Միրզախանյանի հետ: Քննարկվեցին  բազում հարցեր՝ կապված  ուսուցման  և կրթության բարելավման հետ:  Քննարկումից հետո համալսարանի ազգագրական համույթը պարեց <<Էջմիածին>> պարը,  որից հետո գեղեցիկ ելույթ ունեցավ աղջիկների ֆուտբոլի հավաքականը:

     Անմոռանալի  տպավորություններով վերադարձանք Աղավնաձորից և հուսով եմ, որ դեռ առիթներ կունենամ հանդիպելու նոր ձեռք բերած ընկերներիս հետ:

  Շփվելով  համալսարանականների  հետ, հասկացա նաև,  որ  արդեն  կատարել  եմ  իմ  ընտրությունը  և  շատ  կուզենայի  դառնալ  Մանկավարժական  համալսարանի  ուսանող:

                                                                                                              

                        9-րդ դասարանի աշակերտուհի

Գալոյան  Գայանե