01.12.2014թ.

Նոյեմբերի 1-ն Մանկավարժական պրակտիկայի շրջանակներում Գեղարվեստական կրթության ֆակուլտետի  Երաժշտական կրթություն բաժնի  3-րդ կուրսի ուսանողներ՝ Լիլիթ Ավագյանը, Վարդ Կարապետյանը, Գրետա Աբրահամյանը, Գայանե Հովհաննիսյանը, Գոհար Մկրտչյանը, Լաուրա Սողոյանը, Անահիտ Բարեյանը և Լիլիթ Պապյանը կազմակերպել էին համատեղ համերգ Վահան Թոթովենցի անվան թիվ 57 հիմնական դպրոցի աշակերտների հետ: Համերգը նվիրված էր Էրեբունի – Երևանի 2796 ամյակին:Միջոցառումը տեղի ունեցավ Կուլտուրայի ֆակուլտետի դահլիճում: Աշակերտները ներկայացրեցին Երևան քաղաքի պատմությունը, որը ավելի պատկերավոր դարձնելու համար պատրաստվել էր համակարգչային ներկայացում: Ելույթ ունեցաn “Golden String” կիթառահարների համույթը, ղեկավար՝ Նաիրա Բադալյան, <<ԳՈՎԱԹԱ>> տրիոն՝ Ռուբեն Աբրահամանի և Մակիչ Նազլուխանյանի հետ: Համերգի ավարտին երգեցին <<ԱՐԱՐ>> երգչախմբի փոքր տարիքային խմբի երեխաները, գեղ. ղեկավար՝ Վարդ Կարապետյան: Համերգին ցուցադրված էր նաև Վ. Թոթովենցի անվան թիվ 57 դպրոցի աշակերտների նկարները՝ ուսուցիչ՝ Նաիրի Բալաբեկյան, ինչպես նաև փոքրիկ <<ԱՐԱՐ>>-ցիների նկարները: Այս համերգը նպաստեց աշակերտների մտավոր, հայրենասիրական, բարոյական, գեղագիտական և աշխատանքային դաստիարակությանը: Համերգի ավարտին իր շնորհակալական և խրախուսական խոսքը ուսանողներին ուղղեց պրակտիկայի ղեկավար՝ մ.գ.թ.  Անահիտ Գևորգյանը՝ նշելով, որ նմանատիպ միջոցառումները ուսանողներին հնարավորություն են տալիս դրսևորել իրենց կարողությունները գործնականում և ձեռք բերել կազմակերպչական հմտություններ: Միջոցառման մասին իր կարծիքը հայտնեց նաև պրոֆեսոր Յուրի Յուզբաշյանը՝ ընդգծելով, որ այս միջոցառումը հնարավորություն տվեց աշակերտներին ձեռք բերել հավելյալ գիտելիքներ: